Va Ukrainie padčas zatrymańnia zabojcy zahinuli čaćviora śpiecnazaŭcaŭ
U Čarkaskaj vobłaści Ukrainy hibiellu čatyroch supracoŭnikaŭ palicyi skončyłasia śpiecapieracyja pa zatrymańni niebiaśpiečnaha złačyncy. Mužčyna, jakoha šukali za zabojstva, adkryŭ prycelny ahoń pa pravaachoŭnikach. U adkaz śpiecnazaŭcy likvidavali napadnika na miescy.
Apublikavanyja imiony zahinułych śpiecnazaŭcaŭ. Heta majory palicyi, udzielniki bajavych dziejańniaŭ Siarhiej Safronaŭ, Alaksandr Fłarynski i Uładzimir Bojka, a taksama staršy lejtenant Dzianis Pałavinka.
Jašče adzin palicejski, staršy lejtenant Alaksandr Špak, atrymaŭ ranieńni, ciapier miedyki zmahajucca za jahonaje žyćcio.
Kiraŭnik Nacpalicyi Ukrainy Ivan Vyhoŭski nazvaŭ zdareńnie nadzvyčaj trahičnaj padziejaj. «Niemahčyma słovami apisać bol hetaj straty… Čatyry palicejskija addali svajo žyćcio, kab zabojca bolš nikoli nie zmoh pasiahnuć na žyćcio mirnych ludziej», —napisaŭ jon.