Cykłon «Leoni» nie parušyŭ pracu minskaha aeraporta

Niahledziačy na składanaje nadvorje, Nacyjanalny aeraport Minsk praciahvaje pracu ŭ zvyčajnym režymie. Jak paviedamili ŭ pres-słužbie aeraporta, napiaredadni piersanał i technika byli pieraviedzienyja ŭ režym pavyšanaj hatoŭnaści, kab zabiaśpiečyć bieśpierabojnaje absłuhoŭvańnie rejsaŭ.

Zdymak ilustracyjny. Fota: MinskNationalAirport

U aŭtorak Biełaruś apynułasia ŭ zonie dziejańnia cykłona «Leoni», jaki prynios mokry śnieh i ledziany doždž. Niepahadź, pavodle prahnozaŭ, zachavajecca da sierady, 28 studzienia. U rajonie aeraporta fiksujecca ledziany doždž, adnak heta nie paŭpłyvała na rytm jaho raboty.

Dla zabieśpiačeńnia palotaŭ pravodzicca pastajannaja ačystka ŭźlotna-pasadačnaj pałasy, ruložnych darožak i pierona ad hałalodu z adnačasovym vykarystańniem chimičnych reahientaŭ. U rabotach zadziejničana bolš za 20 adzinak śpiecyjalnaj techniki, jakija za minułyja sutki vykarystali kala 50 ton vadkich i hranulavanych srodkaŭ.

Taksama samaloty apracoŭvajucca supraćabledzianialnaj vadkaściu. U aeraporcie adznačyli, što majuć dastatkovyja resursy dla biaśpiečnaha praviadzieńnia ŭźlotna-pasadačnych apieracyj navat u składanych mieteaŭmovach i stroha vykonvajuć standarty biaśpieki i jakaści.

Razam z tym pasažyram i tym, chto ich sustrakaje, rajać zahadzia płanavać pajezdku ŭ aeraport z ulikam nadvorja i situacyi na darohach.

Kamientary da artykuła