Ad niepahadzi paciarpieli 227 nasielenych punktaŭ
Enierhietyki adnaŭlajuć elektrazabieśpiačeńnie ŭ nasielenych punktach, jakija paciarpieli ad stychii, paviedamili ŭ «Biełenierha».
Fota: Biełenierha
Za minułyja sutki elektrazabieśpiačeńnie było parušana ŭ 227 nasielenych punktach. Najbolšaja kolkaść adklučeńniaŭ zafiksavana ŭ Hrodzienskaj, Homielskaj i Minskaj abłaściach. Linii elektrapieradačy paškodžanyja ŭ vyniku nalipańnia śniehu i hałalodu.
«Enierhietyki pracujuć u kruhłasutačnym režymie dla apieratyŭnaj likvidacyi technałahičnych parušeńniaŭ. Na 8:00 zadziejničana 19 avaryjnych bryhad (ahułam kala 60 čałaviek) i 20 adzinak techniki», — adznačyli ŭ «Biełenierha».
Hramadzianam rekamiendujuć u vypadku vyjaŭleńnia abarvanych pravadoŭ ŁEP nie padychodzić da ich bližej čym na 8 mietraŭ i nieadkładna paviedamlać avaryjnym słužbam pa numarach 115 i 144.