Paśla DTZ pasažyrka vyjšła z raźbitaj mašyny, i jaje naśmierć źbiŭ mikraaŭtobus
Siońnia va Uździenskim rajonie kala 07:30 na darozie Minsk-Mikaševičy adbyłosia dvajnoje DTZ.
Vadziciel jechaŭ na aŭtamabili Nissan u krajniaj pravaj pałasie ruchu ŭ napramku stalicy i sutyknuŭsia z aŭtamabilem «UAZ», paśla čaho Nissan adkinuła na raździalalnuju aharodžu.
Kiroŭca i pasažyry Nissan vyjšli z aŭto, i na adnaho z pasažyraŭ, 61‑hadovuju žančynu, najechaŭ mikraaŭtobus «MAZ».
Žančyna zahinuła na miescy zdareńnia.