U Minsku baćku dali 10 sutak za toje, što daŭ synu tumaka
U kancy kastryčnika ŭ adnoj ź minskich siemjaŭ adbyŭsia kanflikt. Baćka rabiŭ damašniaje zadańnie razam z 9‑hadovym synam. Ale chłopčyk nie ŭsio razumieŭ, baćka mocna razzłavaŭsia i daŭ jamu pa patylicy.
Baćka nie raźličyŭ siłu ŭdaru — i chłopčyk udaryŭsia tvaram ab knihu. U vyniku ŭ jaho na tvary źjaviłasia hiematoma. Pakolki samo dzicia nie moža abaranić svaje pravy, pryciahnieńnie mužčyny da adkaznaści inicyjavaŭ namieśnik prakurora. Pavodle zakona administracyjny praces nie padlahaje spynieńniu navat u vypadku prymireńnia.
U vyniku sprava dajšła da suda. Jaje razhladaŭ sud Maskoŭskaha rajona horada Minska: baćku chłopčyka pryznačyli pakarańnie ŭ vyhladzie administracyjnaha aryšta na 10 sutak