Palitviazień Alaksandr Kamlonak abviaščaŭ u Ivacevickaj kałonii haładoŭku
Jon jaje trymaŭ 11 dzion.
U kałonii raniej byŭ filijał Ivacevickaha kaledža, dzie asudžanyja mahli atrymlivać prafiesijnuju adukacyju (zvarščyki, tynkoŭščyki i inš.). Ale dla palitviaźniaŭ hetaja mahčymaść ad niadaŭniaha časa stała niedastupnaj.
Alaksandr Kamlonak napisaŭ skarhu ŭ Ministerstva adukacyi, u jakoj apisaŭ zabaronu na navučańnie. List udałosia pieradać na volu abychodnym šlacham, bo administracyja kałonii nie prapuskaje nijakija skarhi znutry. Užo z voli hety zvarot byŭ nakiravany ŭ Minadukacyi. Heta vyklikała rezkuju reakcyju. Alaksandra vyklikali na dopyty i patrabavali rastłumačyć, jak jon zmoh adpravić skarhu. Jon adkazaŭ, što prosta dasłaŭ zvyčajny list Paśla hetaha jaho źmiaścili ŭ ŠIZA.
Tam u znak pratestu Alaksandr abviaściŭ haładoŭku i trymaŭ jaje 11 dzion. Paśla hetaha jaho etapavali ŭ Navapołackuju kałoniju (PK-1), dzie adrazu ž znoŭ adpravili ŭ ŠIZA, paviedamlaje DissidentBY.
Alaksandr Kamlonak pracavaŭ u łakamatyŭnym depo, ale paśla 2020 hoda byŭ zvolnieny i vyjechaŭ z krainy. U 2024 hodzie jon viarnuŭsia ŭ Biełaruś, byŭ zatrymany i asudžany na try hady