Načny ciahnik ź Viciebska spaźniŭsia — pasažyraŭ u stalicy zasialili ŭ hatel
Ciahnik №711 Viciebsk — Minsk prybyŭ u stalicu nočču sa spaźnieńniem amal na dźvie hadziny.
Biełaruskaja čyhunka raźmiaściła ŭ staličnym hateli «Ekspres» niekatorych pasažyraŭ ciahnika ź Viciebska, jaki spaźniŭsia, paviedamili Sputnik u daviedačnaj słužbie čyhunačnaha vakzała.
Ciahnik №711 Viciebsk-Minsk adpraviŭsia ź viciebskaha vakzała 31 studzienia ŭ 19:04 i prybyŭ u Minsk sa spaźnieńniem amal na dźvie hadziny — u 1:32 1 lutaha.
«Pasažyry, jakim treba było dačakacca, pakul u Minsku pačnie chadzić hramadski transpart, byli raźmieščany ŭ hateli «Ekspres», — skazali ŭ daviedačnaj słužbie čyhunačnaha vakzała.
Tam nie ŭdakładnili, kolki pasažyraŭ skarystalisia hetaj mahčymaściu.
Čas prybyćcia sastavu ŭ biełaruskuju stalicu zhodna z raskładam — 22:43, ale pa techničnych pryčynach ciahnik byŭ spynieny na pierahonie Bahušeŭskaja.
Spaźnieńnie na stancyju Žodzina składała 2 hadziny 20 chvilin, u Minsk jon taksama prybyŭ sa spaźnieńniem.