Italjanskaja bijatłanistka pierad samym startam zimovaj Alimpijady pravaliła dopinh-test
U Italii jašče da pačatku zimovych Alimpijskich hulniaŭ vybuchnuŭ pieršy dopinh-skandał. Italjanskaja bijatłanistka Rebieka Paśler zdała stanoŭčuju dopinh-probu napiaredadni startaŭ.
Rebieka Paśler. Fota: lequipe.fr
U analizach 24‑hadovaj spartsmienki znajšli letrazoł — preparat, jaki ŭžyvajecca dla źnižeńnia ŭzroŭniu estrahienu i časta vykarystoŭvajecca dla maskiroŭki nastupstvaŭ pryjomu anabaličnych steroidaŭ. Dopinh-test byŭ uziaty pa-za spabornictvami. U vyniku Paśler čakaje dyskvalifikacyja.
Na junijorskim i maładziožnym uzroŭni heta bijatłanistka zavajavała siem miedaloŭ čempijanataŭ śvietu, u tym liku zołata ŭ estafiecie. U Kubku śvietu jana dvojčy brała bronzu ŭ estafietnych honkach. U hetym siezonie jaje najlepšy vynik — 11‑ie miesca ŭ spryncie ŭ niamieckim Obierchofie, a ŭ ahulnym zaliku Kubka śvietu jana zajmaje 33‑ie miesca.
Baćka spartsmienki, Johan Paśler, u 1988 hodzie zavajavaŭ pieršy dla Italii alimpijski miedal u bijatłonie — bronzu na zimovych Alimpijskich hulniach u kanadskim Kałhary.
Zimovyja Alimpijskija hulni 2026 hoda projduć u italjanskich Miłanie i Karcinie-d'Ampieca z 6 da 22 lutaha.
Čytajcie taksama:
Na Zimovuju Alimpijadu ŭ Italiju jedzie katastrafična nizkaja kolkaść biełaruskich spartoŭcaŭ
Na Zimovaj Alimpijadzie vystupić rekordna nizkaja kolkaść rasijan
Biełaruskija bijatłanisty nie trapiać na Alimpijadu — navat u niejtralnym statusie
Biełaruska Darja Dalidovič vystupić u Kubku śvietu pa bijatłonie ŭ jakaści biežanki