Rasija znoŭ udaryła pa enierhietycy Ukrainy: u Charkavie i Kijevie adklučajuć aciapleńnie ŭ 20‑hradusny maroz
Mer Charkava Ihar Cierachaŭ paviedamiŭ, što paśla rasijskich udaraŭ pa enierhietyčnaj infrastruktury ŭłady horada vymušany adklučyć aciapleńnie ŭ 820 damach, «jakija zasiłkavanyja ad adnoj z samych vialikich CEC».
]
Kanatop kala Sumaŭ — razbureńnie damoŭ i abjektaŭ enierhietyki ŭ noč na 3 lutaha
Tym časam Ukrainskaja słužba Bi-bi-si pieradaje, što paśla pieršych udaraŭ pa Kijevie balistyčnymi rakietami ŭ mnohich rajonach stalicy źnikła ciepłazabieśpiačeńnie i śviatło.
Va Ukrainie zaraz samaja chałodnaja noč zimy i tempieratura ŭ Charkavie i Kijevie apuściłasia da 20 hradusaŭ marozu.
Cierachaŭ napisaŭ u svaim telehram-kanale, što abstreł Charkava «praciahvajecca ŭžo bolš za try hadziny».
«Udary iduć metanakiravana pa enierhietyčnaj infrastruktury, — piša mer horada. — Meta vidavočnaja: nanieści joj maksimalnyja razbureńni i pakinuć horad bieź ciapła ŭ mocny maroz».
Kijaŭlanie paviedamlajuć, što ŭ horadzie znoŭ źnikaje ciapło, jakoje amal adnavili va ŭsich rajonach stalicy paśla masiravanych udaraŭ pa enierhietycy, jakija adbyvalisia z pačatkam 2026 hoda.