Ukraina damoviłasia z ZŠA i Jeŭropaj, jakim budzie trochetapny adkaz na parušeńni režymu spynieńnia ahniu z boku Rasii
Hety płan ukrainskija, jeŭrapiejskija i amierykanskija pradstaŭniki abmiarkoŭvali ŭ Paryžy ŭ śniežni i studzieni.
Fota: Wolfgang Schwan / Anadolu via Getty Images
Kijeŭ damoviŭsia z zachodnimi partniorami, što na sistematyčnyja parušeńni Rasijaj luboha budučaha pahadnieńnia ab spynieńni ahniu budzie skaardynavany vajenny adkaz z boku Jeŭropy i ZŠA, piša Financial Times sa spasyłkaj na krynicy.
Hety płan ukrainskija, jeŭrapiejskija i amierykanskija pradstaŭniki abmiarkoŭvali ŭ Paryžy ŭ śniežni i studzieni.
Parušeńnie režymu spynieńnia ahniu paciahnie za saboj adkaznyja dziejańni na praciahu 24 hadzin. Spačatku prahučyć dypłamatyčnaje papiaredžańnie i buduć pryniatyja ŭsie nieabchodnyja miery z boku ŭkrainskaj armii dla spynieńnia parušeńnia.
Kali parušeńnie praciahniecca, budzie ŭviedziena druhaja faza ŭmiašańnia z vykarystańniem sił «kaalicyi achvotnych», u jakuju ŭvachodziać mnohija krainy ES.
Kali ž parušeńnie pieraraście ŭ maštabnaje nastupleńnie, to praz 72 hadziny ŭstupić u siłu skaardynavany vajenny adkaz sił pry padtrymcy Zachadu z udziełam uzbrojenych sił ZŠA, paviedamlajuć krynicy FT.