Płanujecca zapuścić elektrobusy ŭ harady-spadarožniki
Pra heta ŭ pres-centry BiełTA paviedamiŭ načalnik upraŭleńnia aŭtamabilnaha i haradskoha pasažyrskaha transpartu Ministerstva transpartu i kamunikacyj Andrej Hładki.
Ilustracyjnaje fota
Andrej Hładki adznačyŭ, što hetaje pytańnie prapracoŭvajecca sumiesna ź Ministerstvam pramysłovaści i transpartnymi arhanizacyjami. Raspracoŭvajecca madel dla takich maršrutaŭ.
Na pieršym etapie razam ź Minabłvykankamam vyvučajucca dva varyjanty zapusku elektrobusaŭ: pamiž Minskam i Fanipalem, a taksama pamiž Minskam i Smalavičami. Zaraz aceńvajecca patreba ŭ takich pieravozkach.
Start prajekta budzie zaležać ad taho, kali vytvorcy pradstaviać siertyfikavanuju madel elektratranspartu.