«Biełsajuzdruk» dałučajuć da «Biełpošty»
Stała viadoma, što dziaržaŭnaje pradpryjemstva «Biełsajuzdruk» čakaje rearhanizacyja: jaho dałučajuć da «Biełpošty». Raniej pradpryjemstva padparadkoŭvałasia Ministerstvu infarmacyi, ale pastanovaj Savieta Ministraŭ ad 8 vieraśnia 2025 hoda jano było pieradadziena ŭ padnačaleńnie Ministerstvu suviazi i infarmatyzacyi.
Zdymak ilustracyjny. Fota: «Naša Niva»
Toj ža dakumient zaćvierdziŭ abnoŭleny śpis arhanizacyj, jakija ŭvachodziać u strukturu Minsuviazi. Usiaho ich vosiem, i z 2025 hoda «Biełsajuzdruk» aficyjna staŭ adnoj z hetych arhanizacyj razam z «Biełpoštaj», «Biełtelekamam», Dziaržaŭnaj fieldjehierskaj słužbaj i inšymi ŭstanovami.
Ale, jak vynikaje z dakumienta, jaki apynuŭsia ŭ rasparadžeńni vydańnia SlutskGorod, źmiena viedamasnaj prynaležnaści — nie adzinaje novaŭviadzieńnie. 8 studzienia 2026 hoda Ministerstva suviazi pryniało rašeńnie rearhanizavać «Biełsajuzdruk» šlacham dałučeńnia da «Biełpošty».
Paśla zaviaršeńnia pracedury «Biełpošta» stanie pravapierajemnikam usich pravoŭ i abaviazkaŭ, jakija raniej naležali «Biełsajuzdruku». Takim čynam, funkcyi abiedźviuch dziaržaŭnych struktur buduć abjadnanyja ŭ miežach adnaho pradpryjemstva.
Pavodle najaŭnaj infarmacyi, zakončyć rearhanizacyju płanujuć viasnoj hetaha hoda.
Čytajcie taksama:
Sioleta ŭ konkursie na najlepšuju paštovuju marku hoda ŭpieršyniu za 4 hady pieramahli nie siłaviki
Na Mahiloŭščynie znoŭ adkryvajucca «Biełdruki», ale padparadkavańnie ich užo inšaje