Dypłamatyčny daradca Makrona nieprykmietna pryjazdžaŭ u Maskvu
Metaj pajezdki było pierakanać rasijski bok u tym, što jeŭrapiejcy pavinny ŭdzielničać u pryniaćci lubych rašeńniaŭ, jakija datyčacca jeŭrapiejskaj biaśpieki.
Fota: Tobias Hase/dpa (Photo by Tobias Hase/picture alliance via Getty Images)
Dypłamatyčny daradca prezidenta Francyi Emaniuela Makrona Emaniuel Bon 3 lutaha pryjazdžaŭ u Maskvu dla praviadzieńnia pieramovaŭ z rasijskimi aficyjnymi asobami, u pryvatnaści z pamočnikam prezidenta Juryjem Ušakovym, pakolki Jeŭropa rychtujecca da bolš aktyŭnaha ŭdziełu ŭ pieramoŭnym pracesie. Pra heta paviedamlaje Reuters sa spasyłkaj na krynicy. Pieršym pra «nieprykmietnuju» pajezdku francuzskaha dypłamata napisała L'Express.
Pavodle słoŭ surazmoŭcaŭ, metaj pajezdki było pierakanać rasijski bok u tym, što jeŭrapiejcy pavinny ŭdzielničać u pryniaćci lubych rašeńniaŭ, jakija datyčacca jeŭrapiejskaj biaśpieki, i što jany nie buduć «prosta tak padpisvać jakija-niebudź pahadnieńni» dziela spynieńnia kanfliktu va Ukrainie. Abmierkavańni mohuć adnavicca ŭ najbližejšaj budučyni.