Miadźviedzieŭ padpisaŭ pakiet zakonaŭ ab tavaraabmienie i padatkaabkładańni ŭ Mytnym sajuzie
Prezident Rasii Dźmitryj Miadźviedzieŭ padpisaŭ pakiet zakonaŭ ab tavaraabmienie i padatkaabkładańni ŭ Mytnym sajuzie, paviedamiła 20 maja pres‑słužba Kramla.
Padpisany fiederalnyja zakony: «Ab ratyfikacyi Pratakoła ab paradku źbirańnia ŭskosnych padatkaŭ pry vykanańni rabot, akazańni pasłuh u Mytnym sajuzie»; «Ab ratyfikacyi Pratakoła ab paradku źbirańnia ŭskosnych padatkaŭ i miechaniźmie kantrolu za ich upłataj pry eksparcie i imparcie tavaraŭ u Mytnym sajuzie»; «Ab ratyfikacyi Pratakoła ab uniasieńni źmianieńniaŭ u Pahadnieńnie ab pryncypach źbirańnia ŭskosnych padatkaŭ pry eksparcie i imparcie tavaraŭ, vykanańni rabot, akazańni pasłuh u Mytnym sajuzie ad 25 studzienia 2008 hoda»; «Ab ratyfikacyi Pahadnieńnia ab uzajemnym pryznańni akredytacyi orhanaŭ pa siertyfikacyi (acency (paćviardžeńni adpaviednaści) i ispytnych łabaratoryj (centraŭ), jakija vykonvajuć raboty pa acency (paćviardžeńni) adpaviednaści»; «Ab ratyfikacyi Pahadnieńnia ab abaračeńni pradukcyi, jakaja padlahaje abaviazkovaj acency (paćviardžeńniu) adpaviednaści, na mytnaj terytoryi Mytnaha sajuza»; «Ab ratyfikacyi Pahadnieńnia Mytnaha sajuza pa sanitarnych mierach»; «Ab ratyfikacyi Pahadnieńnia Mytnaha sajuza pa vieterynarna‑sanitarnych mierach»; «Ab ratyfikacyi Pahadnieńnia Mytnaha sajuza ab karancinie raślin».
Jak paviedamlałasia raniej, zakony byli pryniatyja Dziarždumaj 7 maja i ŭchvalenyja Savietam fiederacyi 13 maja 2010 hoda.
Mytny sajuz Biełarusi, Rasii i Kazachstana pačaŭ pracavać u 2010 hodzie z uviadzieńniem u siłu adzinaha mytnaha taryfu. 1 lipienia płanujecca ŭvieści ŭ dziejańnie Mytny kodeks sajuza, da hetaha ž terminu miarkujecca zaviaršyć pieranos kantrolnych funkcyj na źniešnija miežy Biełarusi i istotna ablehčyć kantrol na rasijska‑kazachstanskim učastku miažy. Likvidacyja mytnaj miažy z Kazachstanam miarkujecca ŭ 2011 hodzie.