Biełarusam spraścili naviedvańnie pamiežnaj zony
Na Nacyjanalnym pravavym internet-partale aficyjna apublikavany zakon ad 2 lutaha 2026 hoda № 130‑Z «Ab źmianieńni zakonaŭ pa pytańniach dziaržaŭnaj daktyłaskapičnaj rehistracyi». Siarod inšaha dakumient spraščaje naviedvańnie pamiežnaj zony, paviedamili ŭ Dziaržpahrankamitecie.
Zdymak ilustracyjny. Fota: Dziaržaŭny pamiežny kamitet
Zakonam pašyrany pieralik dakumientaŭ, jakija dajuć prava biełaruskim hramadzianam znachodzicca ŭ pamiežnaj zonie. U pieralik, akramia pašparta i vajskovaha bileta, dadatkova ŭklučanyja piensijnaje paśviedčańnie, paśviedčańnie invalida, studencki bilet i bilet navučenca.
Praduhledžvajecca mahčymaść tranzitnaha ruchu da miesca žycharstva (znachodžańnia) u pamiežnaj pałasie fizičnych asob bieź nieabchodnaści atrymańnia imi adpaviednych propuskaŭ. Taksama vyklučajecca patrabavańnie ab praviercy najaŭnaści adpaviednych propuskaŭ pry prodažy prajaznych dakumientaŭ dla prajezdu ŭ transpartnych srodkach, jakija iduć pa maršrutach rehularnych znosin u nasielenyja punkty, raźmieščanyja ŭ miežach pahraničnaj zony abo pahraničnaj pałasy.
Akramia taho, vyklučajecca nieabchodnaść atrymańnia dazvołu orhanaŭ pahraničnaj słužby na ažyćciaŭleńnie haspadarčaj i inšaj dziejnaści va ŭnutranych vodach Biełarusi (vodach rek, azior i inšych pavierchnievych vodnych abjektaŭ, bierahi jakich całkam naležać Respublicy Biełaruś) u miežach pahraničnaj zony.
Čytajcie taksama:
Niekatorym biełarusam z DNŽ i zamiežnym pašpartam treba budzie zdavać u Biełarusi adbitki palcaŭ
Usim inšaziemcam, jakija ŭjazdžajuć u Biełaruś, buduć adkatvać palcy
Źbirajucca spraścić praceduru atrymańnia DNŽ dla «kaštoŭnych» inšaziemcaŭ