Komiku Nurłanu Saburavu zabaranili ŭjezd u Rasiju na 50 hadoŭ
Pryčyna — žarty pra vajnu, ale farmalnaja začepka — parušeńnie mihracyjnaha i padatkovaha zakanadaŭstva.
Zabarona ŭviedziena z 30 studzienia, rašeńnie pryniataje ŭ intaresach nacyjanalnaj biaśpieki Rasii, paviedamlajuć rasijskija ŚMI.
Komik nibyta sprabavaŭ lehalizavać zaroblenyja ŭ RF srodki praz pasiarednikaŭ, u Rasii jon vałodaje majomaściu bolš čym na 60 młn rasijskich rubloŭ (kala 780 tysiač dalaraŭ).
Pavodle infarmacyi TASS, ujezd komiku zabaranili «z-za krytyki SVA», a taksama parušeńnia mihracyjnaha i padatkovaha zakanadaŭstva.
Kazachstanski stendap-komik atrymaŭ viadomaść u Rasii, vystupajučy na telekanale TNT i ŭ YouTube-šou «Što było dalej?». Naradziŭsia ŭ 1991 hodzie ŭ Ściepnahorsku (Akmalinskaja vobłaść), karjeru pačaŭ u Jekaciarynburhu, hulajučy ŭ KVZ. Z 2014 hoda žyŭ i pracavaŭ u Maskvie.
Paśla 2022 hoda jaho vykazvańni na palityčnyja temy nieadnarazova vyklikali skandały i pryvodzili da admieny kancertaŭ u Rasii.