U Vaŭkavysku baćka padčas svarki ledź nie zadušyŭ syna-padletka
U Vaŭkavyŭsku prakuror raspačaŭ kryminalnuju spravu suprać 41‑hadovaha miascovaha žychara, jaki pjanym pasvaryŭsia sa svaim 15‑hadovym synam i pačaŭ jaho dušyć, piša BiełTA.
Fota ilustracyjnaje
Incydent adbyŭsia 1 studzienia 2026 hoda kala 20:00. Padčas kanfliktu padletak na niekatory čas straciŭ prytomnaść.
Junak uspryniaŭ dziejańni baćki jak realnuju pahrozu žyćciu i źviarnuŭsia ŭ milicyju. Maci ŭ hety čas doma nie było. Padstavaj dla kanfliktu było nibyta niežadańnie padletka ŭdzielničać u vyśviatleńni adnosin z kavaleram siastry.
Pavodziny baćki, jak adznačyli ŭ prakuratury, stvarali pahrozu žyćciu i zdaroŭju čałavieka i tyčylisia asnoŭnych intaresaŭ dziaržavy i hramadstva, tamu sprava była raspačataja biez zajavy ad paciarpiełaha.
Pavodle artykuła 186 Kryminalnaha kodeksa, mužčynu inkryminujecca pahroza zabojstvam.