U Rasii patanuŭ u vańnie były namieśnik ministra justycyi
U centry Maskvy ŭ svajoj kvatery znajšli miortvym byłoha namieśnika ministra justycyi Rasii Siarhieja Tropina. Pra heta paviedamlajuć rasijskija ŚMI sa spasyłkaj na siłavyja struktury.
Fota ilustracyjnaje
Pavodle papiarednich źviestak, cieła kolišniaha vysokapastaŭlenaha čynoŭnika znajšli ŭ vannym pakoi, asnoŭnaja viersija śmierci — utapleńnie. Kryminalny śled, jak zajaŭlajecca, nie razhladajecca.
Siarhiej Tropin zajmaŭ pasadu namieśnika ministra justycyi ŭ 1996—1997 hadach, jašče padčas prezidenctva Barysa Jelcyna. U 1996 hodzie jamu byŭ prysvojeny vyšejšy kłasny čyn dziaržaŭnaha savietnika justycyi.
Heta nie pieršy padobny vypadak za apošni čas. U studzieni ŭ Novaj Maskvie znajšli cieła byłoha namieśnika ministra pracy Alaksieja Sklara. Pavodle aficyjnaj viersii, jon skončyŭ žyćcio samahubstvam, pakinuŭšy pierad śmierciu paviedamleńnie ŭ sacsietkach.
Z pačatku poŭnamaštabnaha ŭvarvańnia Rasii va Ukrainu pry niavyśvietlenych abo niezvyčajnych abstavinach zahinuli bolš za dva dziasiatki vysokapastaŭlenych byłych i dziejnych rasijskich čynoŭnikaŭ. Ekśpierty i ŚMI źviartajuć uvahu, što ŭ pieršaj pałovie 2025 hoda paviedamleńni pra hibiel takich asob źjaŭlalisia amal štomiesiac.
Čytajcie taksama:
U Padmaskoŭi znajšli miortvym byłoha vysokaha pieciarburhskaha čynoŭnika
U rasijskim Mintransie adnačasova ź ministram-samahubcam pamior jašče adzin vysoki čynoŭnik
«Jak u 1937-m». Śmierć rasijskaha ministra — papiaredžańnie dla palityčnaj elity