Niebiaśpiečnyja suviazi
Dvuch studentaŭ Viciebskaha technałahičnaha ŭniviersitetu papiaredzili za ŭzajemaadnosiny z apazicyjanieram.
Studenty mastacka-technalahičnaha fakultetu Viciebskaha technalahičnaha ŭniversytetu Alaksandar i Ŭsievaład (chłopcy prasili nie nazyvać ichnyja proźviščy) mieli papieradžalnuju hutarku z dekanam Valancinaj Hałubkovaj.
Pavodle pieršakurśnika Alaksandra, jaki byŭ na minułych miascovych vybarach naziralnikam i siabram inicyjatyŭnaj hrupy aktyvista stvaranaj partyi BCHD Uładzimiera Ramanoviča, havorka viałasia jakraz pra vybary. Spadarynia Hałubkova papiaredziła studenta, što jon, kaniešnie, volny čałaviek, i moža sam prymać rašeńni, za kaho hałasavać. Ale ŭ dekanacie taksama pracujuć volnyja ludzi, jakija mohuć paŭpłyvać na žyćcio studenta — da prykładu, nie adpuścić z zaniatkaŭ pa zajavie abo nie paspryjać u vyrašeńni niejkich prablem, u tym liku i z vučobaj.
Pra toje, što studenty padtrymali «nie taho» kandydata, razmaŭlali i z Usievaładam, siabram Alaksandra. Chłopcu skazali, što vyjhraŭ vybary «patrebny» kandydat, da taho ž «svoj» — prarektar VTU Alaksiej Šut. I, maŭlaŭ, toje, što chłopcy «źviazalisia z apazycyjaneram» i «zabylisia, što vučacca ŭ dziaržaŭnaj ustanovie», a Ŭsievaład jašče j biaspłatna i sa stypendyjaj, im zabuduć jašče nia chutka.
Abodva pieršakurśniki nie vyklučajuć, što prablemy ŭ ich mohuć paŭstać užo padčas bližejšaj sesii.