Ukrainka sa Słavianska pierapachavała muža, kab jaho mahiła nie apynułasia pad akupacyjaj

Vital zahinuŭ try hady tamu, baroniačy Danbas, i jaho pachavali na radzimie. Ale ciapier Natalli strašna, što mahiła rodnaha čałavieka moža akazacca niedastupnaj.

Skrynšot ź videa

Ukrainskaja ŭdava Natalla vyrašyła pierapachavać svajho muža Vitala, pachavanaha ŭ Słaviansku na Danbasie. Jon zahinuŭ try hady tamu ŭ bajach na ŭschodzie Danbasa, i jaho spačatku pachavali na radzimie. Ale ciapier Natalli strašna, što mahiła rodnaha čałavieka moža zastacca pad akupacyjaj, paviedamlaje Bi-bi-si.

Spačatku prablem z dohladam mahiły Vitala nie było, ale z momantu hibieli front prasunuŭsia, i naviedvać mohiłki robicca ŭsio ciažej.

«Mnie zdavałasia, što chutka vajna skončycca, a ciapier situacyja składvajecca tak, što front pastajanna nabližajecca, i było strašna, što jon moža trapić pad akupacyju i tam zastacca», — skazała žančyna. 

Vital byŭ mastakom-kieramistam i pajšoŭ na front u 2022 hodzie. Jon zahinuŭ na froncie na ŭschodzie Danbasa, kali jaho žonka była ciažarnaja. Vital tak i nie ŭbačyŭ ich maleńkuju dačku, ale Natalla choča, kab jana prynamsi mieła mahčymaść prychodzić na mahiłu baćki ŭ Kijevie.

Kamientary da artykuła