41‑hadovaja Lindsi Von ź ciažkoj traŭmaj nahi vyjšła na trasu, ale ŭpała ŭ samym pačatku spusku VIDEA
Za tydzień da pačatku Alimpijady amierykanskaja harnałyžnica atrymała traŭmu na treniroŭcy
Padčas chutkasnaha spusku na chutkaści kala 100 km/h jana ŭrezałasia ŭ achoŭnyja sietki. Žančyna atrymała razryŭ kryžapadobnych źviazak kalena, razryŭ mienisku. Uźnikli aściarohi, što joj daviadziecca prapuścić Alimpijskija hulni ŭ Italii.
Ale alimpijskaja čempijonka 2010 hoda zajaviła, što budzie vystupać. Siońnia ŭ harnałyžnym spusku jana vyjšła na trasu pad 13‑m numaram.
Litaralna praź niekalki siekund paśla pačatku spusku, jana, zdajecca, niapravilna nachiliłasia, łyžy pierakryžavalisia, i Lindsi z usiaje siły hrymnułasia na schił.
Na stadyjonie zapanavała cišynia, Von nieruchoma lažała niekalki siekund, a potym mocna zakryčała.
Da jaje kinulisia tavaryšy z kamandy i daktary. Lindsi kryčała, kali jaje ahladali. Harnałyžnicu evakujavali na viertalocie.
Spabornictvy byli spynienyja.