U Vieniesuele vykrali palitviaźnia. Za niekalki hadzin da hetaha jaho vyzvalili z turmy
Nieviadomyja vykrali apazicyjnaha lidara Chuana Pabła Huanipu, paviedamiła lidar apazicyi Vieniesueły i jahonaja saratnica Maryja Karyna Mačada.
Skrynšot videa Noticias Caracol
Uzbrojenyja ludzi ŭ cyvilnym, jakija pryjechali na čatyroch aŭtamabilach, siłaj zabrali jaho. My patrabujem nieadkładnaha vyzvaleńnia», — napisała Mačada ŭ X. Incydent, pavodle słoŭ Mačady, adbyŭsia ŭ žyłym rajonie Łos-Čoras u stalicy Vieniesueły Karakasie, piša Bild.
Syn Huanipy Ramon taksama patrabavaŭ «nieadkładnaha vyzvaleńnia» svajho baćki. Apazicyjnaha lidara zachapiła hrupa «prykładna ź dziesiaci nieviadomych asob», paviedamiŭ jon u X.
«Naš nacyjanalny lidar Chuan Pabła Huanipa tolki što byŭ vykradzieny represiŭnymi orhanami dyktatury», — zajaviła partyja Huanipy Primero Justicia.
Raniej Huanipa byŭ vyzvaleny z turmy razam jašče z dvuma apazicyjnymi palitykami. Paśla vyzvaleńnia jon u intervju ahienctvu AFP zaklikaŭ urad pavažać vyniki prezidenckich vybaraŭ 2024 hoda. Na ahulnuju dumku, tady apazicyjanier Edmunda Hansales Urucija pieramoh na vybarach Nikałasa Madura. Adnak ułady abviaścili pieramožcam Madura, a apazicyja zajaviła pra falsifikacyju vynikaŭ hałasavańnia.
Padčas nastupnych pratestaŭ zahinuła jak minimum 28 čałaviek, a bolš za 2400 byli aryštavanyja; Hansales Urucija ŭciok u Ispaniju.