Pjanaja minčanka spravakavała DTZ ź piaćciu aŭtamabilami
Zdareńnie adbyłosia siońnia dniom.
37‑hadovaja kiroŭca Toyota, ruchajučysia pa praśpiekcie Žukava pablizu doma №119 pa vulicy Hrušaŭskaj, z-za nievykanańnia biaśpiečnaj dystancyi sutyknułasia z Audi.
Praź niekatory čas na hetym ža ŭčastku, papiarednie pa toj samaj pryčynie, adbyłosia sutyknieńnie aŭtamabila Mercedes i dvuch aŭtamabilaŭ Skoda.
U DTZ nichto nie paciarpieŭ, transpartnyja srodki atrymali miechaničnyja paškodžańni.
U supracoŭnikaŭ adździeła DAI, jakija prybyli na miesca zdareńnia, fizičny stan kiroŭcy Toyota vyklikaŭ padazreńni. Pavodle vynikaŭ miedycynskaha ahladu, u arhaniźmie žančyny było vyjaŭlena bolš za adzin pramile ałkaholu.
Kiroŭcu zatrymali. Jaje aŭtamabil źmieščany na achoŭnuju stajanku.