Ciahnik Maskva — Minsk spaźniajecca na dźvie z pałovaj hadziny. Na adnym ź pierajezdaŭ jon prataraniŭ aŭtamabil
Zdareńnie adbyłosia ranicaj na stancyi «Husina» ŭ Smalenskaj vobłaści.
Siońnia ŭ 10:19 na čyhunačnym pierajeździe kiroŭca aŭtamabila «Haziel» vyjechaŭ na puci pierad ciahnikom, jaki nabližaŭsia.
Mašynist užyŭ ekstranaje tarmažeńnie, adnak adlehłaści akazałasia niedastatkova, i paźbiehnuć sutyknieńnia nie ŭdałosia.
Pavodle papiarednich źviestak, kiroŭca aŭtamabila špitalizavany. Pasažyry i łakamatyŭnaja bryhada nie paciarpieli.
Ciahnik adpraviŭsia na stancyju Husina, dzie čakaje reziervovy sastaŭ dla dalejšaha praciahu maršrutu.
Sastaŭ adpraviŭsia z Maskvy ŭ 6:20 i pavinien byŭ prybyć u Minsk u 13:14.