Zatrymany treci padazravany ŭ zamachu na hienierała HRU
FSB Rasii zatrymała aficera Uzbrojenych sił RF Paŭła Vasina. Jaho padazrajuć u dapamozie ŭ arhanizacyi zamachu na hienierał-lejtenanta HRU Uładzimira Alaksiejeva. Pavieł Vasin źjaŭlajecca synam Viktara Vasina, jaki byŭ taksama zatrymany pa hetaj ža spravie.
Pavieł Vasin
Pavodle źviestak śledstva, Pavieł Vasin daŭ pryznalnyja pakazańni. Jon paviedamiŭ, što zabiaśpiečvaŭ vykanaŭcu zamachu Lubamira Korbu transpartam i techničnymi srodkami: videarehistrataram i trekieram dla sačeńnia. Taksama zatrymany nibyta źbiraŭ infarmacyju pra miescy žycharstva i aŭtamabili Alaksiejeva i jašče dvuch supracoŭnikaŭ Minabarony.
Pavieł Vasin skončyŭ Vajennuju akademiju. Na praciahu piaci hadoŭ jon słužyŭ pa kantrakcie suviazistam, mieŭ dośvied kamandzirovak za miažu, a paśla zvalnieńnia pracavaŭ u śfiery biaśpieki kamiercyjnych kampanij, paviedamlajuć «Važnyje istorii».
Zamach na hienierała HRU Uładzimira Alaksiejeva adbyŭsia 6 lutaha. Hienierał atrymaŭ ahniastrelnaje ranieńnie i byŭ špitalizavany. Paviedamlałasia, što jon pryjšoŭ u prytomnaść.
Vykanaŭca zamachu Lubamir Korba i jaho pamočnik Viktar Vasin byli zatrymanyja. Jašče adna padazravanaja, Zinaida Sierabryckaja, abvieščana ŭ mižnarodny rosšuk.
Pa viersii pravaachoŭnych orhanaŭ RF, fihuranty dziejničali pa ŭkazańni SBU.
Čytajcie taksama:
Što viadoma pra ŭdzielnicu zamachu na hienierała HRU
Vykanaŭcam zamachu na hienierała Alaksiejeva byŭ hramadzianin Rasii. Jaho dastavili ŭ Maskvu