U Sierbii zdymajuć film pa «Alpijskaj baładzie» Vasila Bykava
U siecivie apublikavali pieršyja kadry vajennaj mieładramy «Alpijskaja bałada», jakuju zdymajuć pavodle adnajmiennaj apovieści Vasila Bykava. Hety prajekt staŭ supolnaj pracaj rasijskich i sierbskich kiniematahrafistaŭ, piša «Kinopoisk».
Fota: «Kinopoisk»
Zdymki prachodziać na Bałkanach, a dziejańnie filma razhortvajecca ŭ 1943 hodzie. Hałoŭnuju rolu savieckaha sałdata Ivana, jaki ŭciakaje z kancłahiera ŭ italjanskich Alpach, vykonvaje rasijski akcior Ivan Jankoŭski (jon viadomy pa rolach, naprykład, u sieryjałach «Słova pacana» i «Aŭtsors»).
Fota: «Kinopoisk»
Padčas uciokaŭ hieroj sustrakaje niamieckuju kinazorku Dytera Šulce, jakoha ihraje Miłaš Bikovič, a taksama italjanskuju antyfašystku Džuliju (Deniz Sardziska). Troje hierojaŭ pravodziać razam try dni i, niahledziačy na roznyja movy, znachodziać parazumieńnie.
Fota: «Kinopoisk»
Na fonie malaŭničych krajavidaŭ razhortvajecca historyja kachańnia pamiž Ivanam i Džulijaj, jakija vymušanyja zmahacca z hoładam, pieraśledam i pastajannaj pahrozaj śmierci.
Fota: «Kinopoisk»
Režysioram stužki staŭ Andrej Bahatyroŭ, viadomy pa filmach «Čyrvony pryvid» i «Vampiry siaredniaj pałasy». Premjera filma zapłanavanaja na viasnu 2027 hoda.
Fota: «Kinopoisk»
Apovieść «Alpijskaja bałada» ličycca adnoj z samych viadomych u tvorčaści Bykava i pierakładziena bolš čym na 50 moŭ. Heta ŭžo druhaja jaje ekranizacyja: kala 60 hadoŭ tamu film pavodle hetaha tvora źniaŭ Barys Ściapanaŭ, a hałoŭnyja roli vykanali Luboŭ Rumiancava i Stanisłaŭ Lubšyn.
Fota: «Kinopoisk»
Fota: «Kinopoisk»
Čytajcie taksama:
Na raźvitańnie z udavoj Vasila Bykava pryjšli 8 čałaviek
U Frankfurcie-na-Majnie abmiarkujuć mahčymaść ustalavańnia pamiatnaj šyldy Vasilu Bykavu