Siońnia na Alimpijadzie vystupiać dźvie biełaruski
Na dystancyju znoŭ vyjduć Hanna Karalova i Maryna Zujeva.
Fota: Maja Hitij/Getty Image
Hanna voźmie ŭdzieł u łyžnaj honcy z raździelnym startam volnym stylem na 10 km. Pačatak a 16-j.
Karalova ŭziała ŭdzieł u dvuch spabornictvach.
U minułuju subotu ŭ skijatłonie jana zaniała 34‑ie miesca, a ŭ aŭtorak u kvalifikacyi spryntu była 49‑j i nie zmahła prabicca ŭ 30‑tku najmacniejšych dla praciahu udziełu ŭ dyscyplinie.
Maryna Zujeva paŭdzielničaje ŭ zabiehu na kańkach na 5000 mietraŭ. Pačatak a 18.30.
U subotu ŭ zabiehu na 3000 mietraŭ jana była 15-j.
Na Alimpijadzie ŭ biełarusaŭ samaje minimalnaje pradstaŭnictva — usiaho siem dziaŭčat. Miedaloŭ pakul niama.
U nastupny aŭtorak u baraćbu ŭstupiać frystajlistki (Hanna Huśkova, Hanna Dziaruha, Anastasija Andryjanava), taksama na nastupnym tydni buduć spabornictvy u hornych łyžach u Maryi Škanavaj i adzinočnym fihurnym katańni ŭ Viktoryi Safonavaj.
Paśla piaci dzion spabornictvaŭ lidziruje Narviehija.
Aficyjny sajt Alimpijady