Baškartastan kupić u Biełarusi jašče 9 zubroŭ
Kiraŭnik Baškartastana Radzij Chabiraŭ paviedamiŭ u svaim telehram-kanale, što hety rasijski rehijon płanuje pryvieźci ź Biełarusi jašče 9 zubroŭ. Jany buduć kaštavać 10,2 miljona rasijskich rubloŭ (kala 379 tysiač biełaruskich). Na hetyja hrošy Dyrekcyja pa pryrodnych terytoryjach pad asablivaj achovaj respubliki kupić žyvioł dla raźviadzieńnia.
Zubry ŭ Baškartastanie. Fota: t.me/radiyhabirov
Chabiraŭ padkreśliŭ, što prajekt nie nosić zabaŭlalnaha charaktaru, a słužyć važnaj dziaržaŭnaj zadačy — zachavańniu bijałahičnaj raznastajnaści. Sa słoŭ čynoŭnika, praz hetuju akcyju Baškartastan «addaje daŭhi pryrodzie». Jon dadaŭ, što ŭmovy ŭ respublicy dla raźviadzieńnia zubroŭ vielmi spryjalnyja.
Prajekt raźviadzieńnia biełaviežskich zubroŭ u Baškartastanie viadziecca z 2023 hoda. Na siońnia kolkaść žyvioł dasiahnuła 25 hałoŭ, u tym liku 8 cialat, jakija naradzilisia ŭžo ŭ respublicy. Miascovyja ŭłady spadziajucca, što da 2030 hoda kolkaść zubroŭ pavialičycca da 50 asobin.
Čytajcie taksama:
U Baškartastan zaviazuć jašče 18 biełaruskich zubroŭ
U Rasiju adpravili jašče dzieviać biełaviežskich zubroŭ