Pamior vakalist hurta «Čynhischan» Volfhanh Chajchiel
Pamior vakalist i adzin z zasnavalnikaŭ viadomaha niamieckaha dyska-hurta Dschinghis Khan («Čynhischan») Volfhanh Chajchiel. Muzyka pamior va ŭzroście 75 hadoŭ.
Volfhanh Chajchiel. Fota z sacsietak śpievaka
Jak vynikaje z paviedamleńnia pradstaŭnikoŭ muzyki ŭ instahramie, Chajchiel niečakana pamior jašče 20 studzienia ŭ siabie doma. Navat niahledziačy na toje, što apošnija hady jon mieŭ vialikija prablemy sa zdaroŭjem, śmierć, jakaja pryjšła paśla časovaha palapšeńnia jahonaha stanu, stała poŭnaj niečakanaściu dla siamji, siabroŭ i kaleh.
Pavodle infarmacyi vydańnia Bild, pierad śmierciu Chajchiel pravodziŭ bolšuju častku času kala Bodenskaha voziera. Sa słoŭ krynic vydańnia, jaho pachavańnie prajšło 11 lutaha, na im prysutničali tolki blizkija siabry i svajaki śpievaka.
Hurt Dschinghis Khan zasnavaŭ u 1979 hodzie ŭ FRH niamiecki pradziusar i kampazitar Ralf Zihiel dla ŭdziełu ŭ konkursie «Jeŭrabačańnie». Volfhanh Chajchiel staŭ hałoŭnym vakalistam jaho aryhinalnaha składu.
Na «Jeŭrabačańni» kalektyŭ tady zaniaŭ čaćviortaje miesca ź pieśniaj Dschinghis Khan. Siarod nastupnych vialikich chitoŭ hurta — Moskau, Rocking son of Dschinghis Khan i Loreley.
Čytajcie taksama:
Pamior rasijski piśmieńnik Roj Miadźviedzieŭ