U Minsku raźvitalisia z vydaŭcom i knihanošam Ramanam Cymbieravym
13 lutaha, u Minsku raźvitalisia ź biełaruskim vydaŭcom i knihanošam Ramanam Cymbieravym. Addać apošniuju pašanu hetamu rupliŭcu pryjšło bolš za sto čałaviek, piša Reform.news.
Fota: krynica Reform.news
Vykonvajučy prośbu blizkich, ludzi prynosili tolki žyvyja kvietki. Zdymak z zały vyhladaje ścipła, ale za kadram zastałasia nievierahodnaja atmaśfiera salidarnaści.
Śviedki kažuć, što na raźvitańnie ludzi pramaŭlali pra Ramana «nadzvyčaj ciopła, niebanalna, sardečna — na poŭnicu pačućciaŭ». Jaho kalehi, siabry, čytačy…
Fota: krynica Reform.news
Jak paviedamili Reform.news, paśla cyrymonii raźvitańnia cieła spačyłaha pavieźli ŭ Minski krematoryj, dzie była zapłanavanaja pracedura kremacyi.
Kali prach budzie pieradadzieny siamji, źjavicca asobnaje paviedamleńnie pra čas kančatkovaha pachavańnia i miesca spačynu.
44‑hadovy vydaviec i knihanoša Raman Cymbieraŭ pamior va ŭzroście 44 hadoŭ u paniadziełak paśla imklivaj chvaroby.
Za piać dzion da taho jamu raptoŭna stała kiepska, źjavilisia prablemy z nyrkami. Paśla zdaryŭsia insult. Jaho pieraviali ŭ reanimacyju, ale nie ŭratavali.
Čytajcie taksama:
Paśla imklivaj chvaroby pamior 44‑hadovy knihar i knihanoša Raman Cymbieraŭ
Vyjšaŭ zbornik apaviadańniaŭ «Historyi na Rastvo»