Rubia ŭ apošni momant admianiŭ sustreču ź lidarami Jeŭropy ab pytańni Ukrainy

Pavodle infarmacyi vydańnia The Financial Times, dziaržsakratar ZŠA Marka Rubia źbiraŭsia abmierkavać pytańnie vajny Rasii suprać Ukrainy ź jeŭrapiejskimi lidarami na Miunchienskaj kanfierencyi ab biaśpiecy, ale ŭ apošni momant admianiŭ svoj udzieł u sustrečy.

Marka Rubia. Fota: Chip Somodevilla/Getty Images

Sa źviestak vydańnia, sustreča pavinna była adbycca 13 lutaha ŭ Miunchienie z udziełam kiraŭnikoŭ Hiermanii, Francyi, Polščy i kiraŭnictva Jeŭrapiejskaj kamisii. Adnak Rubia admoviŭsia ŭdzielničać «praź niesupadzieńnie hrafikaŭ».

Nienazvany pradstaŭnik ZŠA rastłumačyŭ heta vialikaj kolkaściu ŭ Rubia inšych zapłanavanych sustreč, pryśviečanych pytańniam Rasii i Ukrainy, u ramkach Miunchienskaj kanfierencyi.

ZŠA, pavodle žurnalistaŭ, płanujuć asobnuju sustreču Rubia z prezidentam Ukrainy Uładzimiram Zialenskim 14 lutaha.

Jeŭrapiejskija čynoŭniki nazvali admovu Rubia «varjackaj» i adznačyli, što biez udziełu ZŠA sustreča straciła značnuju častku svajoj źmiastoŭnaści.

The Financial Times taksama padkreślivaje, što administracyja prezidenta Donalda Trampa ŭsio bolš addalajecca ad jeŭrapiejskich sajuźnikaŭ i imkniecca padšturchnuć Ukrainu da zaklučeńnia mirnaha pahadnieńnia z Rasijaj. Admova Rubia ad sustrečy, na dumku jeŭrapiejskich krynic, śviedčyć pra toje, što ZŠA mienš zacikaŭlenyja ŭ ščylnaj kaardynacyi ź Jeŭropaj nakont urehulavańnia kanfliktu.

Kamientary da artykuła