Zialenski: Pucin nie siadzić u turmie — heta samy vialiki kampramis, na jaki pajšoŭ śviet
Prezident Ukrainy Uładzimir Zialenski ŭ intervju Politico zajaviŭ, što jaho kraina ŭžo pajšła na šmat kampramisaŭ u spadziavańniach na pieramirje.
Skrynšot videa intervju
«Z amierykanskaha boku, ad prezidenta Trampa, pastupajuć sihnały, što ciapier čas dla kampramisaŭ, što možna zrabić niekalki krokaŭ napierad. My pajšli na šmat kampramisaŭ. Pucin i jaho siabry nie siadziać u turmie. Heta samy vialiki kampramis, na jaki ŭžo pajšoŭ śviet», — skazaŭ Zialenski.
Jon adznačyŭ, što Tramp prapanoŭvaŭ zaklučyć pieramirje i časova zamarozić vajnu. Ukraina pahadžałasia na biezumoŭnaje spynieńnie ahniu, ale Pucin ad jaho admoviŭsia.
«Siońnia adna pryčyna, zaŭtra druhaja pryčyna i hetak dalej. Nam treba cisnuć na jaho… Pucin spynić hetuju vajnu, kali na jaho budzie akazvacca realny cisk», — ličyć Zialenski.
Nastupnyja trochbakovyja pierahavory Ukrainy, ZŠA i Rasii ab vajnie va Ukrainie płanujuć pravieści ŭ Ženievie 17—18 lutaha.