U Breście piensijanierka patanuła ŭ Muchaŭcy — jana karmiła lebiedziaŭ i ŭpuściła ŭ vadu korm
Trahičnaje zdareńnie adbyłosia ŭ niadzielu ŭ Breście: 85‑hadovaja žančyna ŭpała ŭ vadu kala pryčała raki Muchaviec. Pavodle słoŭ vidavočcaŭ, pažyłaja žančyna chacieła pakarmić ptušak, ale vypadkova vypuściła pakiet z kormam. Sprabujučy jaho dastać, jana straciła raŭnavahu i ŭpała ŭ raku.
Jak pišuć ratavalniki na vadzie, pažyłaja žančyna nabliziłasia da kraju pryčała, kab pakarmić ptušak, i vypuściła ŭ vadu pakiet z kormam. Nachiliŭšysia za im, žančyna straciła raŭnavahu i ŭpała ŭ vadu. Hłybinia tam nievialikaja — kala 1 mietra. Z vady jaje dastaŭ vidavočca.
Bryhada chutkaj dapamohi, što pryjechała, pravodziła reanimacyjnyja mierapryjemstvy, adnak žančynu vyratavać nie ŭdałosia.