U Minsku zatrymali žančynu za rulom z 3 pramile ałkaholu ŭ kryvi

U Minsku ŭ Frunzienskim rajonie padčas milicejskaha rejdu zatrymali žančynu-kiroŭcu ŭ stanie mocnaha apjanieńnia: u jaje kryvi vyjaŭlena kala 3 pramile ałkaholu. 

Skrynšot ź videa

Jak paviedamili ŭ UHAI HUUS Minharvykankama, pravierki takoha kštałtu pravodziacca rehularna dla zabieśpiačeńnia biaśpieki darožnaha ruchu i pryciahnieńnia pjanych kiroŭcaŭ da adkaznaści.

U DAI taksama nahadali, što pamier administracyjnaha štrafu zaležyć ad kancentracyi ałkaholu ŭ kryvi:

• 0,3—0,8 pramile — 100 bazavych vieličyń i pazbaŭleńnie prava kiravańnia na 3 hady;
• bolš za 0,8 pramile — 200 bazavych vieličyń i pazbaŭleńnie prava kiravańnia na 5 hadoŭ.

U vypadku paŭtornaha parušeńnia na praciahu hoda paśla administracyjnaha pakarańnia praduhledžvajecca ŭžo kryminalnaja adkaznaść.

Kamientary da artykuła