Školnik spałochaŭsia, što ŭ Biełaruś prylaciać drony, i addaŭ kurjeru $30 000. A toj schavaŭ hrošy ŭ padštańniki
U milicyju źviarnułasia siamja 12‑hadovaha školnika. Dziciaci ŭ miesiendžary napisaŭ nieznajomy i prapanavać siabravać, a dla sustrečy paprasiŭ dasłać hieałakacyju.
Paśla hetaha na suviaź vyjšaŭ psieŭdamilicyjanier, jaki napałochaŭ dzicia, što pa jaho kaardynatach prylaciać vajskovyja drony, a mamu pasadziać u turmu, paviedamlaje staličnaja milicyja.
Kab vyratavać siabie i siamju, u dziciaci zapatrabavali ŭziać usie jaho hrošy i znajści baćkoŭskija źbieražeńni. Skłaści ich u sumku i pakinuć pad mostam na Niamizie. A taksama zdymać usie dziejańni na videa.
Apieratyŭniki ŭstanavili, što hrošy kala 30 tysiač dalaraŭ zabraŭ 18‑hadovy zamiežnik, jaki prylacieŭ u Biełaruś śpiecyjalna pa zadańni machlaroŭ. Takuju padpracoŭku jon znajšoŭ u internecie.
Małady čałaviek taksama na kamieru pieraličyŭ hrošy i schavaŭ ich u spodniaje. Paśla čaho na ciahniku adpraviŭsia ŭ susiedniuju krainu. Ale byŭ zatrymany supracoŭnikami milicyi.
Usia suma kanfiskavanaja i budzie viernutaja siamji ašukanaha dziciaci.