U Tajłandzie palicyja zatrymała sieryjnaha rabaŭnika, pieraapranuŭšysia ŭ kaściumy lvoŭ VIDEA
U Tajłandzie miascovyja palicejskija praviali niezvyčajnuju apieracyju pad prykryćciom, kab zatrymać sieryjnaha złačyncu. Dla hetaha jany apranulisia ŭ tradycyjnyja kaściumy lvoŭ i zmahli zatrymać padazravanaha padčas śviatočnych mierapryjemstvaŭ.
Fota: The Metropolitan Police Bureau/AP
Pavodle paviedamleńnia vydańnia Sky News, 33‑hadovaha mužčynu padazrajuć u tym, što ŭ pačatku lutaha jon trojčy załaziŭ u dom miascovaha palicejskaha ŭ Banhkoku. Jamu inkryminujuć kradziež kaštoŭnaściaŭ prykładna na 2 miljony bataŭ (bolš za 63 tysiačy dalaraŭ ZŠA).
Raniej palicyja ŭžo sprabavała zatrymać padazravanaha, ale jon zaŭvažaŭ pieraśled i ŭciakaŭ. U vyniku mužčynu, adnak, udałosia adšukać, adsačyŭšy skradzienyja amulety, jakija jon pradaŭ. Taksama vyśvietliłasia, što jon časta byvaŭ u chramach u pravincyi Nontchabury.
Zatrymańnie adbyłosia padčas śviatkavańnia kitajskaha Novaha hoda. Supracoŭniki palicyi ŭ kaściumach ilvoŭ tancavali na kirmašy, kab nie vyklikać padazreńniaŭ. U peŭny momant adzin ź ich raptoŭna kinuŭsia na mužčynu i prycisnuŭ jaho da ziamli.
U palicyi adznačyli, što padazravany pryznaŭsia ŭ kradziažach i paviedamiŭ, što rabiŭ heta dziela kupli narkotykaŭ i ŭdziełu ŭ azartnych hulniach. Raniej jon užo byŭ sudzimy za złačynstvy, źviazanyja z narkotykami i kradziažami.
Čytajcie taksama:
Biełarus kupiŭ pucioŭku ŭ Tajłand usiaho za $1400. Jak uražańni?
U Tajłandzie skasavali abmiežavańnie na prodaž ałkaholu z bolš čym 50‑hadovaj historyjaj