Kim Čen Yna pieraabrali na pasadu hienieralnaha sakratara Pracoŭnaj partyi KNDR
«Vysakarodny śviet samaaddanaha słužeńnia narodu tavaryša Kim Čen Yna začaroŭvaje ŭsich ludziej i jašče jarčej prasłaŭlaje našu Radzimu jak sapraŭdnuju narodnuju krainu», — havorycca ŭ pastanovie partyi.
Kim Čen Yna pieraabrali na pasadu hienieralnaha sakratara Pracoŭnaj partyi KNDR.
«Pad umiełym i vyprabavanym kiraŭnictvam usiepieramožnaj Pracoŭnaj partyi Karei siońnia naša revalucyjnaja sprava pa ŭsiebakovym budaŭnictvie sacyjalizmu enierhična prasoŭvajecca napierad, stvarajučy nadzvyčajnymi tempami niabačanyja cudy», — havorycca ŭ pastanovie partyi.
«Na źjeździe, jaki prachodzić u hady chvalujučaj baraćby, kali ździajśniajucca niabačanyja ŭ historyi raźvićcia Respubliki hrandyjoznyja epachalnyja źmieny, advažna pieraadolvajučy ŭsialakija histaryčnyja vykliki i ciažkaści, usie našy partyjcy i narod prymuć najvažniejšuju pastanovu ab vybarach kiraŭnika TPK — centra kiraŭnictva i zhurtavanaści, što ŭvasablaje ŭ sabie arhanizacyjnuju volu ŭsioj partyi.
Vybary kiraŭnika TPK, jaki zajmaje adkaznuju pasadu dla viadzieńnia spravy sacyjalizmu da pieramohi na čale dziaržavy i naroda, źjaŭlajucca najvažniejšaj spravaj, ad jakoj zaležać kiraŭničaja siła partyi i budučynia Radzimy i naroda, i majuć najbolšaje značeńnie ŭ pracy partźjezda — vyšejšaha kiraŭničaha orhana partyi. (…) Vysakarodny śviet samaaddanaha słužeńnia narodu tavaryša Kim Čen Yna začaroŭvaje ŭsich ludziej i jašče jarčej prasłaŭlaje našu Radzimu jak sapraŭdnuju narodnuju krainu», — havorycca ŭ pastanovie partyi.
Kim Čen Yn zajmaje niekalki pasadaŭ u KNDR. U śniežni 2011 hoda jon zaniaŭ pasadu najvyšejšaha kiraŭnika KNDR i viarchoŭnaha hałoŭnakamandujučaha, z 2016‑ha jon staršynia Dziaržaŭnaj rady i ŭ tym hodzie ŭznačaliŭ Pracoŭnuju partyju KNDR, a pasada hiensakratara była ŭviedziena ŭ 2021 hodzie.
Siamja Kimaŭ kiruje krainaj na praciahu 75 hadoŭ, z 1950 hoda. Kim Čen kiravaŭ KNDR z 1950 pa 1994 hoda, jahony syn Čen Ir u 1994—2011, Kim Čen z 2011 hoda.
Kim Čen Ynu — 44 hady, ale apošnim časam časta pišuć, što jon rychtuje ŭ pierajemnicy svaju Kim Čžu E, jakoj zaraz 13 hadoŭ.
Ź listapada 2022 hoda Kim Čžu E pačała źjaŭlacca na publicy, časta supravadžać svajho baćku na mierapryjemstvach i zhadvacca ŭ paŭnočnakarejskich ŚMI.