U Minsku ŭžo pastavili amal sotniu rekłamnych ekranaŭ

U Minsku ciapier pracuje 96 multymiedyjnych rekłamnych ekranaŭ. Usie jany znachodziacca na bałansie staličnaha pradpryjemstva «Minskrekłama», paviedamlaje ahienctva «Minsk-Naviny».

Ahulnaja kolkaść rekłamnych kanstrukcyj, jakija absłuhoŭvaje arhanizacyja, pieravyšaje 360. Ich pastavili nie tolki ŭ miežach horada, ale i ŭzdoŭž trasy M2 u kirunku Nacyjanalnaha aeraporta «Minsk». Za apošnija piać hadoŭ ich kolkaść pavialičyłasia bolš čym na tracinu.

U 2026 hodzie płanujecca pastavić jašče 10 novych multymiedyjnych ekranaŭ, a taksama raźmiaścić łajtpostary ŭ niekatorych padziemnych piešachodnych pierachodach. Siarod płanaŭ — abstalavańnie rekłamnymi kanstrukcyjami pierachodu kala stancyi mietro «Aeradromnaja» i pavieličeńnie ich kolkaści ŭ pierachodzie pad płoščaj Jakuba Kołasa.

Staršynia Minharvykankama Uładzimir Kucharaŭ padkreślivaje nieabchodnaść šyrej vykarystoŭvać multymiedyjnyja ekrany ŭ rekłamnych metach i raspracoŭvać jakasny dyzajn sacyjalnaj rekłamy. Pavodle słoŭ pradstaŭnikoŭ ułady, jana pavinna być jarkaj, cikavaj i pryciahvać uvahu.

Siarod zadač pradpryjemstva — prajektavańnie, vytvorčaść, raźmiaščeńnie i absłuhoŭvańnie roznych vidaŭ vonkavaj rekłamy. Taksama pastaŭlena zadača aktyvizavać pracu pa pryciahnieńni novych klijentaŭ.

Kamientary da artykuła