Lidara Gods Tower nie puścili na samalot na Kipr, hurt palacieŭ bieź jaho
Biełaruski mietał-hurt Gods Tower palacieŭ na Kipr, kab vystupić tam z kancertam, ale bieź Leśli Najfa (Uładzisłava Navažyłava).
Wizz Air, jakoj z Varšavy musiŭ lacieć Navažyłaŭ, nie puściła muzyku na bort ź litoŭskim prajaznym dakumientam, u muzykanta niama biełaruskaha pašparta.
«Gods Tower lacić na Kipr, a ja nie mahu tudy trapić, bo ŭ mianie zaraz niama biełaruskaha pašpartu, jon praterminavany. Zamiest jaho ja maju litoŭski prajazny dakumient — pašpart zamiežnika. Vyśvietliłasia, što na Kipry hetaja štuka nie pracuje, i tamu mnie prosta nielha sieści ŭ samalot. Gods Tower pryjdziecca rabić niešta novaje.
Jany buduć hrać žyŭcom, a ja budu śpiavać u Varšavie, i heta budzie, mnie zdajecca, takaja praryŭnaja štuka dla biełaruskaha mietału», — raspavioŭ u fejsbuku lidar hurtu.
Gods Tower vystupić u Limasole 26 lutaha.