Partrety vajennych złačyncaŭ «SVA» vystavili ŭ Breście
U pamiaškańni «Ruskaha doma ŭ Breście» da 4‑j hadaviny poŭnamaštabnaha ŭvarvańnia Rasii va Ukrainu prachodzić vystava «Frantaviki. VZhlad» Iryny Charkaŭskaj pad nazvaj «Tvary hierojaŭ». Naviedvalniki mohuć taksama skleić sa stužak rasijski trykałor, zaŭvažyŭ REFORM.news.
Usie fota: «Ruski dom u Breście»
«Hetyja paštoŭki — nie prosta malunki. Heta pasłańni tym, chto staić na abaronie našaj Radzimy, zachavanyja žyvyja emocyi i nievierahodnyja, poŭnyja siły vočy kožnaha bajca. Sumna ŭśviedamlać, što bolšaść ź ich tak i nie atrymali svaje partrety», — havorycca ŭ pres-relizie «Ruskaha doma ŭ Breście».
Adznačajecca, što «na malunkach — bajcy sił śpiecyjalnych apieracyj, u jakich schavanaja bolšaja častka tvaru».
Arhanizatarami mierapryjemstva vystupili abjadnańni «Ruskaje tavarystva» i «Ruski Dom u Breście». Iryna Charkaŭskaja źjaŭlajecca členam RHA «Ruskaje tavarystva». U Breście adździaleńnie tavarystva ŭznačalvaje Śviatłana Śmirnova.
Na ŭračystaje adkryćcio pryviali skrypičny ansambl himnazii, udzielnikaŭ prajekta «Faktar baj», kłub Ruskaha tavarystva «Aryjon». Prysutničali taksama vice-konsuł Hienieralnaha konsulstva RF u Breście Raman Citoŭ i kiraŭnica adździaleńnia Rassupracoŭnictva ŭ Breście, vice-konsuł Safija Piakšava.
Naviedvalniki pavinny byli dałučycca da stvareńnia pałatna sa stužak u kolerach rasijskaha trykałora.