Stała viadoma, jak Tramp kiruje vajskovaj apieracyjaj suprać Irana

U Biełym domie paćvierdzili, što prezident ZŠA Donald Tramp sačyŭ za chodam apieracyi suprać Irana, znachodziačysia ŭ svajoj rezidencyi Mar-a-Łaha ŭ Fłarydzie. Pra heta paviedamiła pres-sakratarka Biełaha doma Kerałajn Levit.

Donald Tramp. Fota: Win McNamee/Getty Images

Pavodle słoŭ pres-sakratarki, Tramp naziraŭ za pačatkam apieracyi, jakaja dla ZŠA adbyvałasia ŭ načny čas, i kansultavaŭsia z pradstaŭnikami svajoj kamandy pa nacyjanalnaj biaśpiecy. Taksama jon pravioŭ telefonnuju razmovu z premjer-ministram Izraila Bińjaminam Nietańjachu.

Akramia taho, pierad pačatkam amierykanskich udaraŭ dziaržaŭny sakratar Marka Rubia źviazaŭsia z kiraŭnictvam Kanhresa, kab prainfarmavać ich pra situacyju; adznačajecca, što jamu ŭdałosia datelefanavacca da bolšaści adrasataŭ.

U Biełym domie zajavili, što prezident i jaho kamanda pa nacyjanalnaj biaśpiecy praciahnuć uvažliva sačyć za raźvićciom padziej na praciahu dnia.

Raniej Tramp abviaściŭ pra pačatak maštabnaj apieracyi suprać Irana; razam z ZŠA ŭdary nanosiŭ i Izrail. Taksama jon zaklikaŭ irancaŭ skarystać momant dla źmienaŭ u krainie. Iranskija ŭdary ŭ adkaz zakranuli šerah dziaržaŭ rehijona, dzie raźmieščanyja amierykanskija vajskovyja bazy.

Kamientary da artykuła