Palitźniavolenaj fatohrafcy Natalli Bačurynskaj źmiakčyli prysud. Jaje vypuścili na volu
Prysud pierahledzieli padčas apielacyi ŭ Viarchoŭnym sudzie.
U Homielskim abłasnym sudzie 13 studzienia Natallu Bačurynskuju asudzili pavodle art. 361‑2 (finansavańnie ekstremisckaj dziejnaści) Kryminalnaha kodeksa na try hady kałonii va ŭmovach ahulnaha režymu i štraf 500 bazavych adzinak (22 500 rubloŭ).
Jak daviedałasia «Homielskaja viasna», padčas razhladu apielacyjnaj skarhi Viarchoŭny sud pierakvalifikavaŭ abvinavačvańnie z «finansavańnia ekstremisckaj dziejnaści» na «sadziejničańnie ekstremisckaj dziejnaści» (art. 361‑4 KK).
U vyniku, uličvajučy kiepski stan zdaroŭja, Natalli źmiakčyli prysud i pryznačyli try hady chatniaj chimii.
Natalla Bačurynskaja šmat fatahrafavała pryrodu, asabliva ptušak, jaje dobra viedali ŭ likvidavanaj uładami arhanizacyi arnitołahaŭ-amataraŭ «Achova ptušak Baćkaŭščyny».