Šry-Łanka padoŭžyć vizy turystam, što zastalisia na vostravie z-za kanfliktu na Blizkim Uschodzie
Vizy padoŭžyć biaspłatna na 14 dzion z daty ich skančeńnia.
The Treveler.org
Ułady Šry-Łanki vyrašyli biaspłatna padoŭžyć vizy turystam, jakija zastalisia z-za admieny rejsaŭ na Blizkim Uschodzie. Pra heta paviedamlaje Respublikanski sajuz turystyčnaj industryi sa spasyłkaj na hałoŭnaje kansulskaje ŭpraŭleńnie MZS Biełarusi.
Departamient imihracyi i emihracyi Šry-Łanki padoŭžyć vizy turystam, jakija nie zmahli vylecieć z-za admieny rejsaŭ u krainach Blizkaha Uschodu. Vizy padoŭžyć biaspłatna na 14 dzion z daty ich skančeńnia.
Kab skarystacca hetaj mahčymaściu, turystam treba padać dokazy niemahčymaści vyletu. Heta mohuć być pasadačnyja tałony, paviedamleńni pra admienu rejsa abo paćvierdžańni avijakampanii.
Padoŭžańnie vizy afarmlajuć u imihracyjnym ofisie aeraporta Šry-Łanki.
Raniej ułady Tajłanda abviaścili pra ŭviadzieńnie časovych mier padtrymki dla zamiežnych turystaŭ, jakija zastalisia ŭ krainie z-za kryzisu na Blizkim Uschodzie.