Zamarazki — u noč na čaćvier
A ŭ piatnicu — mocnyja daždžy.
Paviedamlajuć u Respublikanskim hidramieteacentry.
Tak, u noč na 27 maja pry prajaśnieńniach tempieratura pavietra čakajecca ŭ miežach ad 3 da 8 hradusaŭ ciapła. U
asobnych rajonach mahčymy słabyja zamarazki da nula — minus 2 hradusaŭ.
Dzionnaja tempieratura budzie vahacca ad 13 hradusaŭ ciapła pa poŭnačy krainy da 21 hradusa pa poŭdni. Siaredni tempieraturny fon z 25 pa 27 maja budzie na 2‑6 hradusaŭ chaładniejšy za zvyčajny.
28 maja čarhovy cykłon, jaki ruchajecca z Zachodniaj Jeŭropy, pryniasie čarhovuju porcyju daždžoŭ, miescami čakajucca mocnyja.
Dzionnaja tempieratura składzie 12‑19 hradusaŭ ciapła. Na paŭdniovym uschodzie Biełarusi pavietra moža prahrecca da plus 20‑25 hradusaŭ.
U subotu, 29 maja, z rostam atmaśfiernaha cisku ŭ asnoŭnym budzie biez apadkaŭ. Tempieratura pavietra nočču budzie vahacca ad 3 ad 9 hradusaŭ ciapła, a dniom — ad 15 da 22 hradusaŭ ciapła.
30 maja atmaśfierny front, jaki ruchajecca z paŭdniovaha zachadu Jeŭropy, pryniasie ŭ Biełaruś karotkačasovyja daždžy i navalnicy. Tempieratura pavietra nočču čakajecca ŭ miežach 4‑11 hradusaŭ ciapła. Dniom jana budzie vahacca ad plus 15 hradusaŭ pa paŭnočnym zachadzie da plus 24 hradusaŭ pa paŭdniovym uschodzie Biełarusi.
Što datyčycca nadvorja letam, to prahnozy ŭžo nie sprabuje rabić navat Centr pa hidramietearałohii Vialikabrytanii, jaki viadomy svajoj dakładnaściu — nastolki ciapier situacyja z nadvorjem niepradkazalnaja i jaje raźvićcio ciažka raźličyć matematyčnymi madelami.
Pavodle danych Rasijskaha centra pa hidramietearałohii, siaredniaja tempieratura pavietra ŭ letni pieryjad budzie ŭ miežach 15‑19 hradusaŭ ciapła, a kolkaść apadkaŭ u asnoŭnym čakajecca ŭ miežach 62‑97 mm. Pry hetym pieryjady soniečnaha i ciopłaha nadvorja buduć čarhavacca z daždžlivym i bolš chaładnavatym nadvorjem.