U Emiratach novy nalot iranskich dronaŭ i rakiet
Pierad hetym prezident Irana paprasiŭ prabačeńnia pierad susiednimi krainami za ŭdary pa ich.
Dubaj. Fota: wikipedia.org / Tim Reckmann
Ministerstva abarony Abjadnanych Arabskich Emirataŭ zajaviła, što adbivaje novuju ataku iranskich dronaŭ i rakiet, paviedamlaje Bi-bi-si.
Prezident Irana Masud Piezieškijan u subotu ŭ televizijnym zvarocie paprasiŭ prabačeńnia pierad krainami Piersidskaha zalivu za ŭdary pa ich i paabiacaŭ, što ŭ dalejšym Iran budzie nanosić udary pa susiednich krainach tolki ŭ adkaz na ich udary.
Užo paśla hetaha ab zapuskach Iranam dronaŭ i rakiet, akramia AAE, paviedamili Katar i Bachrejn.
Iranskija ž vajskoŭcy vypuścili zajavu, sutnaść jakoj zaklučajecca ŭ tym, što jany praciahnuć nanosić udary pa vajennych bazach i inšych celach, prama ci ŭskosna źviazanych z ZŠA i Izrailem.
Prezident AAE šejch Machamied bin Zajd al-Nachajan zajaviŭ, što kraina znachodzicca «ŭ stanie vajny».