Na vajnie zahinuŭ syn rasijskaha nieanacysta Viačasłava Dacyka
21‑hadovy Jarasłaŭ pajšoŭ vajavać uśled za baćkam.
Na vajnie zahinuŭ syn rasijskaha nieanacysta i bajca MMA Viačasłava Dacyka.
21‑hadovy Jarasłaŭ Dacyk zahinuŭ paśla ataki FPV-drona. Heta adbyłosia na zaparožskim kirunku, paviedamlaje «Sport-ekspres». Pa słovach vidavočcy, Dacyk i jašče adzin bajec nie paśpieli schavacca i zastalisia na adkrytaj miascovaści.
Jarasłaŭ padpisaŭ kantrakt ź Minabarony ŭ lutym 2024 hoda i adpraviŭsia na front razam z baćkam. Jany ŭvajšli ŭ skład 31‑j asobnaj hvardziejskaj desantna-šturmavoj bryhady i byli raskvataravanyja va Uljanaŭsku.
Viačasłaŭ Dacyk pa mianušcy «Rudy Tarzan» nieadnarazova siadzieŭ u turmie za rabavańni i razboj. Viadomy svaimi nieanacysckimi pohladami.
U lipieni 2025‑ha TASS paviedamlaŭ, što Dacyk-starejšy praciahvaje vajavać za Rasiju i nie płanuje viartacca ŭ sport. U Viačasłava jość taksama dźvie dački: 17‑hadovaja Vasilisa i čatyrochhadovaja Valkiryja-Złata.