Znoŭ pavyšajucca roźničnyja ceny na cukar
Fiksavanyja roźničnyja ceny na cukar‑piasok dla realizacyi nasielnictvu 31 maja pavyšajucca ŭ siarednim na 5%. Adpaviednuju pastanovu (№ 87) Ministerstva ekanomiki pryniało 15 maja.
Jak paviedamiła pres‑słužba Minekanomiki, zhodna z dakumientam roźničnaja cana na cukar‑piasok vahavy składzie 2.720 rubloŭ za kiłahram,
na rasfasavany ŭ polietylenavyja abo papiarovyja pakiety pa kiłahramie — 2.980 rubloŭ.
Taksama na 5% pavyšana minimalnaja adpusknaja cana cukru dla realizacyi na pramysłovuju pierapracoŭku.
Jak rastłumačyła pres‑słužba, rašeńnie ab pavyšeńni cen pryniata «z ulikam najaŭnych u sumiežnych dziaržavach bolš vysokich roźničnych cen na cukar‑piasok i ŭ metach palapšeńnia finansavaha stanu cukrapierapracoŭčych arhanizacyj pavodle prapanovy kancerna «Biełdziaržcharčpram».
Papiarednija pavyšeńni cen na cukar byli 30 sakavika i 27 lutaha — u siarednim na 5%, da hetaha — 28 studzienia ŭ siarednim na 10%.