Dvoje žanatych minčan asudžany na 7 i 5 hadoŭ pazbaŭleńnia voli za hrupavoje zhvałtavańnie
Da siami i piaci hadoŭ pazbaŭleńnia voli z adbyvańniem pakarańnia ŭ kałonii va ŭmovach uzmocnienaha režymu sudom Minskaha rajona pryhavorany dvoje rabočych staličnaha pradpryjemstva.
Jany pryznanyja vinavatymi ŭ zhvałtavańni hrupaj asob z prymianieńniem hvałtu i pahrozaj jaho prymianieńnia (č. 2 art. 166 KK).
Prysud byŭ abvieščany 17 maja i jašče nie ŭvajšoŭ u zakonnuju siłu.
Jak paviedamili ŭ prakuratury Minskaha rajona, viečaram 24 listapada 2009 hoda 35‑hadovy i 40‑hadovy minčanie, jakija znachodzilisia ŭ stanie ałkaholnaha apjanieńnia, hvałtoŭna vyvieźli ź Minska ŭ viosku ŭ Minskim rajonie 32‑hadovuju žycharku stalicy i ŭ dačnym domie adnaho ź ich zhvałtavali. Paśla hetaha paciarpiełaj udałosia ŭciačy da susiedziaŭ i vyklikać milicyju. Abvinavačanyja svajoj viny nie pryznali, zajaŭlajučy, što minčanka — prastytutka, dobraachvotna sieła da ich u mašynu i ahavorvaje ich, bo ź joju nie raspłacilisia za pasłuhi.
Śćviardžeńnie abvinavačanych pra toje, što paciarpiełaja źjaŭlajecca prastytutkaj, na kvalifikacyju ich dziejańniaŭ nie paŭpłyvała, bo sudom było ŭstanoŭlena, što žančyna nie žadała ŭstupać u pałavuju suviaź ź nivodnym ź ich i rabiła sproby paźbiehnuć hvałtu.
Abodva abvinavačanyja žanatyja, u adnaho — niepaŭnaletniaje dzicia.