Italjancy abaraniajuć Viku Maroz
Užo dva tydni niama nijakaj peŭnaści, dzie znachodzicca Vika. Prakuratura Hienui jašče na minułym tydni raspačała kryminalnuju spravu na fakt utojvańnia dziciaci. Karabinery praviali ceły šerah šukalnych mierapryjemstvaŭ, ale pakul biaz plonu.
Italjanskaja siamja Alasandra Džusta i Maryi Barnačyn praciahvaje ŭtrymlivać u siabie biełaruskuju dziaŭčynku Viku Maroz. Italjancy admaŭlajucca viartać Viku na Radzimu, bo nia majuć peŭnaści, što ŭmovy, ŭ jakich dziaŭčynka ŭtrymlivajecca ŭ vialejskim domie-internacie, adpaviadajuć usim normam i ci nia buduć tam ź jaje ździekvacca. Biełaruski bok zapeŭnivaje, što nijakich padstavaŭ dla pieražyvańniaŭ niama, i navat zaprašaje italjancaŭ razam ź Vikaj pryjechać u Biełaruś, kab pierakanacca, što joj ničoha nie pahražaje.
Užo dva tydni niama nijakaj peŭnaści, dzie znachodzicca Vika. Prakuratura Hienui jašče na minułym tydni raspačała kryminalnuju spravu na fakt utojvańnia dziciaci. Karabinery praviali ceły šerah šukalnych mierapryjemstvaŭ, ale pakul biaz plonu.
Hramadzkaja dumka ŭ Italii padzialiłasia na dźvie častki. Bolšaść žycharoŭ Apeninskaj paŭvyspy vystupaje za toje, kab Vika nie viartałasia dadomu. U jaje abaronu vystupiŭ navat ksiondz Daniele Hrylo, jaki vykazaŭ hatoŭnaść schavać dziaŭčynku ŭ svaim kaściole. Pačaŭsia zbor podpisaŭ u abaronu dziaŭčynki. Užo sabrana niekalki tysiačaŭ podpisaŭ. U niekatorych haradach Italii prajšli akcyi ŭ jaje padtrymku.
Za toje, kab addać dziaŭčynku biełaruskamu boku, vystupajuć tolki tyja siemji, jakija bližejšym časam źbirajucca ŭziać da siabie na vychavańnie biełaruskich dzietak: jany bajacca, što ŭ advarotnym vypadku zrabić heta budzie niemahčyma.