«Małady front» raspačynaje akcyi ŭ abaronu Daškieviča
U piatnicu va ŭpravie BNF adbyłasia pres-kanferencyja siabroŭ niezarehistravanaj arhanizacyi «Małady front» Źmitra Chviedaruka, Nasty Pałažanki i Paŭła Krasoŭskaha. Nahoda: aryšt i vysoŭvańnie aficyjnaha abvinavačvańnia sustaršyni «MF» Źmitru Daškieviču.
U piatnicu va ŭpravie BNF adbyłasia pres-kanferencyja siabroŭ niezarehistravanaj arhanizacyi «Małady front» Źmitra Chviedaruka, Nasty Pałažanki i Paŭła Krasoŭskaha. Nahoda: aryšt i vysoŭvańnie aficyjnaha abvinavačvańnia sustaršyni «MF» Źmitru Daškieviču.
Fota Julii Daraškievič
Junaki skazali, što ŭžo najbližejšym časam jany źbirajucca raspačać ahulnarespublikanskuju kampaniju, jakaja budzie mieć na mecie vuličnyja akcyi, vyviešvańnie raściažak i mnohaje inšaje. Aktyvisty źbirajucca pravodzić akcyi da toj pary pakul Daškievič nia budzie vyzvaleny.
Juryst Valancin Stefanovič adznačyŭ, što dla Źmitra Daškieviča była abranaja miera strymańnia, jak utrymańnie pad vartaj, z toj nahody, što jon adnojčy nie źjaviŭsia na dopyt, choć zahadzia paviedamiŭ u prakuraturu ab tym, što nia zmoža na im być, a taksama tamu, što nie pražyvaje stała na miescy prapiski – u Starych Darohach.
Moładź vykazała ŭpeŭnienaść u tym, što niahledziečy na kryminalny pieraśled, «Małady front» budzie prachvać svaju dziejnaść, jak u stalicy, hetak i ŭ rehijonach. Taksama była vykazana žadańnie pracavać u samych niespryjalnych umovach.
Siońnia prajšoŭ čarhovy dopyt pa spravie «Maładoha frontu» Sieržuka Lisičonka. Nasta Pałažanka vykazała dumku, što Daškievič na sudzie nia budzie admaŭlacca ad udziełu ŭ «Maładym froncie», jon maje pa hetym pytańni dosyć pryncypovaju pazycyju.
Darečy, ad Źmitra z Vaładarki pačali prychodzić pieršyja listy. Jon piša, što trymajecca dosyć dobra, choć kamera pieranasielenaja na 12 miescaŭ 20 aryštantaŭ. Bolšaść ź ich palić, a Daškievič nia moža pieranosić tytuniovaha dymu. Razam z tym jon nie hublaje nadziei i vieryć, što ŭžo dosyć skora apyniecca na voli.